Siglir tar il cuntegn

Header

cuntegn

Big Air a Cuira Cuira lantscha l'october la stagiun da «Big Air»

Uss èsi ufficial: La citad da Cuira dastga lantschar la stagiun da la cuppa mundiala dal Big Air da quest onn. Dals 20 fin ils 23 d'october ha lieu l'emprim Big Air da Cuira, quai sin l'areal da l'Obere Au.

Legenda: Keystone

Swiss Ski ha communitgà il glindesdi il program. Avant bun in mais aveva il parlament da la citad da Cuira dà glisch verda al credit da 660'000 francs. Igl è pir la segunda giada che la cuppa mundiala da Big Air vegn lantschada en Svizra. L'emprima giada è quai stà il 2003 ad Arosa.

Sport, musica e cultura

Specialmain hajan ins plaschair che l'event vegnia realisà en in format da festival, ha ditg Sacha Giger, directur da Ski Freestyle, snowboard e telemarc tar Swiss Ski. Il parlament da Cuira ha approvà unanimamain il credit necessari, pequai ch'in festival cun atletas ed atlets, sco era cun musicistas e musicists da tut il mund, saja ina buna via per far pli enconuschent la citad.

Program dal Big Air Cuira 2021

Avrir la box Serrar la box

Mesemna ils 20 d'october
Trenament freeski e snowboard

Gievgia ils 21 d'october
Trenament freeski e snowboard

Venderdi ils 22 d'october
09:00 qualificaziun freeski
18:00 finals freeski
program cun musica live e cultura

Sonda ils 23 d'october
09:00 qualificaziun snowboard
18:00 finals snowboard
program cun musica live e cultura

Il program detaglià da sport e concerts, datti l'entschatta d'avust. Là duai er dar infurmaziuns davart bigliets, acts da musica e davart ils participants e las participantas sportivas.

RTR novitads 14:00

Artitgels legids il pli savens

Scrollar a sanestra Scrollar a dretga