Siglir tar il cuntegn

Header

audio
Eligius Tambornino è pront per la nova stagiun da biatlon 2020/2021.
Or da Actualitad dals 25.11.2020.
laschar ir. Durada: 03:22 minutas.
cuntegn

Biatlon Tambornino: «Motivà sco avant 10 onns»

Avant sis onns, suenter ils gieus olimpics da Sotschi, ha Eligius Tambornino midà cun 27 onns dal passlung tar il biatlon. Enfin uss n’è quai dentant anc betg stà in’istorgia da success. Quai duess uss sa midar. Il biatlet oriund da Trun vul finalmain fitgar pe en la cuppa mundiala.

Ils resultats en la preparaziun per la nova stagiun da biatlon empermettan bler. Eligius Tambornino ha mussà als tests a Magglingen uschè buns resultats sco anc mai. Ed er en la qualificaziun interna per las emprimas cursas da la cuppa mundiala a Kontiolahti en Finlanda ha il Sursilvan persvadì.

En l'Arena da biatlon a Lai ha el laschà tut ses collegas d’equipa davos el, er il leader vallesan Benjamin Weger. Uschia è Tambornino sa qualifitgà suveran per l’emprima staziun da la cuppa mundiala en questa stagiun a Kontiolahti. A chasa sto percunter star l’auter sursilvan, Serafin Wiestner da Trin.

audio
Eligius Tambornino: «Il Coronavirus fa esser anc pli precaut».
00:46 min, Actualitad dals 25.11.2020.
laschar ir. Durada: 00:46 minutas.

Er grazia als impuls dals dus novs trenaders spera Eligius Tambornino da parter regularmain en la cuppa mundiala. La gronda finamira a lunga vista èn ils proxims gieus olimpics il 2022 a Peking. Enfin lura vul il sportist da 34 onns en mintga cas restar fidaivel al biatlon.

RTR actualitad 07:00

Artitgels legids il pli savens

Scrollar a sanestra Scrollar a dretga