Las ultimas emnas èn stadas turbulentas, conceda il schef da sport dal l'Uniun sportiva Schluein Glion, David Caduff ad RTR. Ed er il proxim temp spetga bler lavur sin il club. La finamira saja dad avair l'avust in'equipa ch'è abla da tegnair cun en la 2. liga regiunala. Cler è che intgins juniors vegnan a rinforzar l'equipa. Plinavant sajan els vid chattar ulteriurs giugaders che pudessan rinforzar la USSI. Concret na saja dentant anc nagut.
Lekishvili è il nov trenader
Mate Lekishvili è il nov cautrenader da l'emprima equipa da l'Uniun sportiva Schluein Glion (USSI). Il Georgian remplazza Corsin Cavegn ch'è sa retratg. Lekishvili n'è betg in nunenconuschent a Schluein. Avant 6 onns ha el giugà cun l'equipa da la Foppa. Suenter è el stà giugader tar Domat avant ch'el ha surpiglià funcziuns da trenader tar Cuira 97
Er plirs giugaders da la squadra che dat en segunda liga regiunala bandunan l'equipa. Uschia Lars Caduff e Marino Cavegn.
