Siglir tar il cuntegn

Header

cuntegn

Sofia Schmed «Jau vi dar in di cun l’equipa naziunala»

Sofia Schmed ha 13 onns, è da Dardin e tutga tranter las meglras giugadras da ballape da sia vegliadetgna. La giuvna Sursilvana dat il mument tar l’equipa U13 da la Svizra Orientala (Team Südostschweiz) e fa er part a l’equipa U15 dal FC Son Gagl.

Nus dunnas avain era il dretg da dar ballape.
Autur: Sofia Schmed 13 onns da Dardin
audio
Sofia Schmed – co tut ha cumenzà
ord Actualitad dals 04.09.2020.
laschar ir. Durada: 2 minutas 33 Secundas.

Cumenzà ha tut en curtin a Dardin

Vegnida tar il ballape è Sofia Schmed en emprima lingia entras ils dus frars gronds Livio e Pascal che dattan sezs er activ ballape. Gia baud ha la giuvna pudì ir a trenar cun l’US Danis-Tavanasa, sia equipa da chasa. Il talent ed il plaschair da dar ballape ha dentant manà la giuvna gia baud en la Bassa. Dapi quest onn frequenta Sofia la scola da talents a Cuira per uschia pudair cumbinar anc meglier scola e sport. Sia finamira è da daventar profi da ballape e da giugar ina giada en la pli auta liga da ballape da dunnas en Svizra.

Sofia è ina ruassaivla e plitost schenada, ma sin la plazza da ballape po ella explodir.
Autur: Silvio Schmed bab da Sofia
audio
Sofia Schmed – perspectivas e siemis
ord Actualitad dals 04.09.2020.
laschar ir. Durada: 3 minutas 33 Secundas.

Il ballape è dapli che mo in hobi

Sofia Schmed impunda fitg bler temp per sia gronda passiun, il ballape. Trais giadas ad emna trenescha ella cun l’equipa da la Svizra Orientala, magari er cun l’equipa da Son Gagl. Vitiers vegn il pli savens anc in gieu la fin d’emna. Grond sustegn survegn la giuvna da Dardin er dals geniturs Silvia e Silvio Schmed.

Sofia è senza cumpromiss sin la plazza da ballape. Qua ha gia inqual buob stuì patir.
Autur: Nicola Carroccia trenader Team Südostschweiz U13
audio
Nicola Carroccia: «Nus sustegnain Sofia da far il pass en la Bassa»
ord Actualitad dals 04.09.2020.
laschar ir. Durada: 54 Secundas.

Ina da las sulettas buobas sin sin la plazza

La giuvna Sofia Schmed è fascinada dal sport da ballape che vegn anc oz dominà dad umens. Tar l’US Danis-Tavanasa era ella la suletta buoba sin la plazza. Ed er tar l’equipa U13 da la Svizra Orientala è Sofia ina da las sulettas buobas. I na saja betg adina simpel cun tants buobs, ma quai na disturbia insumma betg, di la giuvna che dat en ina posiziun amez, ina posiziun clav tar mintga equipa da ballape.

Sofia Schmed
Legenda: Sofia Schmed (13) da Dardin vul daventar profi da ballape. Andreas Wieland

Actualitad 08:00 / 17:00

Artitgels legids il pli savens