Siglir tar il cuntegn
Inhalt

Ballape regiunal «Per in derby han ins adina benzin»

Sin il palpiri èsi ina clera chaussa. Il segund da la tabella Schluein Glion frunta sin il segund davos Lumnezia. Omaduas equipas sentan dentant la lunga stagiun d'atun en la chommas.

Legende: Audio Bunura: Derby sursilvan – Ils trenaders avant il gieu abspielen. Laufzeit 03:59 Minuten.
03:59 min, Actualitad dals 08.11.2018.

CB Lumnezia – l'underdog

Il CB Lumnezia cumbatta gia dapi bleras emnas cun giugaders blessads. Uschia han ils ultims gieus perfin giugaders da la segunda equipa stuì gidar la squadra da Giacun Vinzens. Ins sentia che l'equipa saja pulit tras. Blers giugaders hajan dà mintga gieu da quest atun. Perquai è il trenader cuntent che sia equipa survegn sustegn da giugaders da la segunda equipa. La davosa fin d'emna a Domat (pers 1:4) hajan els fatg buna lavur. Era en il derby cunter la US Schluein Glion vegn in u l'auter giugader puspè a gidar l'equipa.

Giacun Vinzens è dapi 4 onns trenader dal CB Lumnezia.
Legenda: Giacun Vinzens è dapi 4 onns trenader dal CB Lumnezia. RTR, GIAN CARLO CANDINAS

Giacun Vinzens sa, ch'il vischin da Schluein è il grond favurit en il derby. Sia equipa saja dentant optimistica, malgrà ch'i vegnia grev.

Per in derby han ins adina benzin.
Autur: Giacun Vinzenstrenader dal CB Lumnezia

US Schluein Glion – il favurit

Era la US Schluein Glion ha gì da cumbatter durant ils ultims gieus. Dus dals ultims trais gieus ha il segund da la tabella pers. L'equipa saja propi stancla, di il trenader-assistent, David Caduff. Blers giugaders sajan cun il chau gia in zic en la pausa d'enviern.

David Caduff
Legenda: Il trenader-assistent da la US Schluein Glion, David Caduff. RTR, GIAN CARLO CANDINAS

Tuttina è Caduff conscient che sia equipa è il favurit en il derby cunter il CB Lumnezia. Tuts spetgan dad els ina victoria. Els veglian er dar lur gieu a Vella e mussar, tgi che saja schef sin plaz.

L'equipa è propi stancla.
Autur: David Cadufftrenader-assistent da la US Schluein Glion

RR actualitad 08:00