Ballape regiunal Nagin derby pervi da la naiv

Il plaz da ballape a Schluein è memia bletsch e betg giugabel. Pervi da quest facit vegn il derby da questa saira tranter Schluein Glion e Lumnezia spustà. Perquai scroda er il livestream che RTR aveva planisà.

Autur: Alexi Baselgia

In termin da guntgida per il gieu tranter Schluein Glion e Lumnezia n'è anc betg fixà. Sche RTR mussa il derby il nov termin, vegn decidì pli tard.