La meglra equipa engiadinaisa da la tschintgavla liga èn ils «Lusitanos de Samedan». L’equipa ch'è plaina da giugaders cun ragischs portugaisas ha persvadì durant la runda d’atun. Uschia n'èsi betg stà ina surpraisa ch'els han savì far la pausa d’enviern sco leader. L’equipa da l’Engiadina'Ota ha pers mo l’emprima partida da la runda d’atun. Il rest han els gudagnà.
Nova finamira – la promoziun
Suenter la stupenta runda d’atun è creschi tar ils Lusitanos la finamira da giugar per la promoziun en quarta liga.
Suenter l’emprima mesadad dal campiunadi vaina badà che nus meritain la promoziun.
En la quarta liga giugavan ils Lusitanos schon avant duas stagiuns. L’onn 2017 è l’equipa dentant vegnida relegada ina liga pli bassa. Uss suenter duas stagiuns en tschintgavla liga è danovamain pussaivla la promoziun ina liga pli auta.
Sportissimo 17:00