Siglir tar il cuntegn

Header

cuntegn

Ballape regiunal Ils giugaders-trenaders – ils striuns sin la plazza

Dus squadras vulan vegnir al success cun in giugader-trenader: Tar la US Schluein Glion fa quai Alessandro Giacomelli dapi la stad – e tar Cuira 97 è Maximilian Knuth dapi l'entschatta da l'onn en funcziun sco giugader-trenader.

Maximilian Knuth – l'um tar Cuira 97

Il Tudestg è dapi l'entschatta il giugader-trenader da l'equipa da la chapitala grischuna. L'um da 29 onns ha dà bal gia en bleras terras (Germania, Austria, Svizra e Liechtenstein). L'engaschament tar Cuira 97 è uss sia emprima staziun sco trenader.

audio
Sportissimo: Maximilian Knuth - giugader trenader tar Cuira 97
ord Sportissimo dals 20.04.2019.
laschar ir. Durada: 3 minutas 27 Secundas.

Sch'ins haja la finamira da daventar trenader, sche lura saja la funcziun sco giugader-trenader in bun pass intermediar, declera Maximilian Knuth – in pass ch'è dentant tut auter che simpel:

Esser giugader-trenader tar in club da la 2. liga interregiunala è ina pulita sfida.
Autur: Maximilian Knuth giugader-trenader da Cuira 97

Alessandro Giacomelli – l'um tar la US Schluein Glion

Gia dapi la stad vargada è il burgais dubel Svizzer-Talian en acziun a Schluein sco giugader e trenader. Avant era Alessandro Giacomelli blers onns attatgader tar differents clubs en Svizra en emprima e segunda liga.

audio
Sportissimo: Alessandro Giacomelli - giugader trenader tar Schluein Glion
ord Sportissimo dals 20.04.2019.
laschar ir. Durada: 2 minutas 47 Secundas.

La funcziun dubla saja fitg dira, declera l'um da 33 onns. Sco ses collega a Cuira vul er Alessandro Giacomelli daventar trenader suenter ses intermezzo sco giugader e trenader:

Esser giugader-trenader è fitg cumplex.
Autur: Alessandro Giacomelli giugader-trenader tar la US Schluein Glion

Sportissimo 17:00

Artitgels legids il pli savens