Siglir tar il cuntegn

Header

Navigaziun

Portrait da la squadra.
Legenda: Nagina fortuna – Cuira97 perda a chasa cunter il FC Amriswil. mad
cuntegn

Ballape regiunal Cuira 97 resta tar il stritg – il CB Lumnezia è relegà

La survista sin il ballape regiunal da la fin d'emna sa presenta actualmain uschia:

Cuira 97 perda a chasa cunter il FC Amriswil

Cunter Amriswil ch'era avant il gieu in punct davos Cuira, perdan ils Grischuns la sonda a chasa cleramain cun 0:3. Tut ils trais gols crodan en la segunda mesadad, il terz gol decisiv marca Amriswil en la 84avla minuta. Cuira è uss sin plaz 10 - 3 puncts sur il stritg.

Schluein Glion va per ils puncts

En la terza liga regiunala vegn l'US Schluein Glion en l'arena da Crap Gries la sonda saira tar ina clera victoria da 4:0 cunter Walenstadt. Uschia tegnan ils Sursilvans il contact cun l'emprim da la tabella - Bogn Ragaz.

CB Lumnezia banduna 3. liga

Per il CB Lumnezia va l'aventura 3. liga a fin suenter ina stagiun. Ils Lumnezians han pers a chasa cunter Bogn Ragaz cun 0:5. Uschia èsi cler ch'els restan sut il stritg, era sch'i gudagnassan ils ultims dus gieus.

Tusaun ussa cun reservas

Ina impurtanta victoria ha Tusaun fatg. Els han gudagnà cunter Domat cun 2:1. Quai munta ina reserva da tschintg puncts sin il stritg.

RR novitads 20:00