Siglir tar il cuntegn

Header

cuntegn

Ballape regiunal CB Schlarigna – finamira è la promoziun

Duas giadas ils davos dus onns ha il CB Schlarigna manchentà la promoziun en terza liga be per in solit punct. Questa giada duessi gartegiar.

Il CB Schlarigna ha cumenzà il nov campiunadi en quarta liga cun duas victorias. Encunter Panaduz ed era il derbi encunter ils Lusitanos de Samedan ha il CB Schlarigna gudagnà. La partenza en la nova stagiun è uschia gartegiada. Questa dumengia spetga dentant Danis-Tavanasa sin l’equipa da l’Engiadina Auta, il pli tard suenter questa partida san ils engiadinais pelvair nua tgi stattan.

Cumbat a la testa da la tabella

Suenter trais partidas en quarta liga da ballape è in trio cun il maximum da sis puncts a la testa da la tabella. Il CB Lumnezia, il CB Schlarigna e Danis-Tavanasa. A savair che mintga punct quinta èn las partidas encunter tuttas equipas fitg impurtantas. Surtut dentant ils gieus encunter ils concurrents directs cura che i va per la promoziun ina liga pli aut.

audio
Amos Sciuchetti davart partenza CB Schlarigna
ord Sportissimo dals 14.09.2019.
laschar ir. Durada: 4 minutas 9 Secundas.

Equipa quasi identica a la stagiun passada

La vista da l’equipa dal CB Schlarigna è quasi la medema sco la stagiun vargada. Malgrà ch'i n'è betg reussì a l’equipa da far il pass ina liga pli aut è ella restada ensemen. Era il trenader dals ultims onns Marco Jola ha ins savì tegnì era per questa stagiun.

RR Sportissimo 17:00

Artitgels legids il pli savens