Siglir tar il cuntegn

Header

cuntegn

Campiunadis da ballape Ligas d'amaturs vulan rumper giu stagiun

Da la segunda liga interregiunala engiu duain tut ils campiunadis vegnir interruts ed els na duain betg quintar. Quai pretendan la liga d'amaturs ed las 13 federaziuns regiunalas.

Sco la Federaziun svizra da ballape scriva, examineschan els uss la dumonda e tge consequenzas ch'ina decisiun a favur pudess avair. Ina decisiun duai dar enfin mez da l'emna proxima.

Sche la dumonda vegniss approvada, na dessi questa stagiun sin palc regiunal nagins campiuns ed era nagina relegaziun, sco era nagins victurs da cuppa. Ils participants a la cuppa svizra vegnissan tratgs per sort, or dals clubs che restan anc en las cuppas. Quai proponan la liga d'amaturs e las federaziuns regiunalas.

Betg pertutgadas da questa dumonda èn la Super e la Challenge League, l'emprima liga, la cuppa svizra ed ils campiunadis da las dunnas.

Artitgels legids il pli savens