L'US Schluein Glion gudogna en la gruppa 1 da la segunda liga regiunala cunter il FC St. Margrethen cun 2:0. Entant ch'ils Son Giagliais crodan uschia enavos sin plaz 3 da la tabella, sa chatta l'US Schluein Glion uss sin plaz 8.
Cuira 97 è en furma
En la 2. liga interregiunala dal ballape resta Cuira 97 a la testa dal classament. Quai cun batter il FC Amriswil dumengia suentermezdi. La partida da chasa finescha cun in cler 4:1 per Cuira 97. L'um dal gieu è Rafael Deplazes stà, che ha sajettà trais gols per ils Grischuns.
Domat è uss emprim
Ed en la terza liga datti ina victoria per il club da ballape da Domat. Ordaifer cunter Tusaun-Cazas gudognan ils Domat cun 5:3 – e surpiglian la testa da la tabella da la gruppa 1.
Ina nauscha terrada datti per Trun Rabius en il gieu da la dumengia cunter Bogn Ragaz. Ils Sursilvans perdan gist cun 0:4.
RR novitads 21:00