Siglir tar il cuntegn

Header

audio
Ballape regiunal: Tge èsi da spetgar dal campiunadi 2022/23?
Or da Actualitad dals 22.08.2022.
laschar ir. Durada: 6 minutas 32 Secundas.
cuntegn

Ballape regiunal USSI gudogna e Trun/Rabius perda

En l'emprima runda da campiunadi en la 3. liga regiunala ha Schluein Glion declassà a chasa Triesen cun 8:2 e Trun/Rabius ha pers a chasa encunter Triesenberg cun 1:2.

2. liga interregiunala

La partenza è gartegiada per l'equipa da Cuira 97. En lur emprima partida da la stagiun ha la pli ferma equipa da ballapei en il Grischun battì ordaifer il FC Wil cun 2:0.

2. liga regiunala

En la 2. liga regiunala ha il Club da ballape da Domat prendì almain in punct a chasa. Ordaifer cunter Mels han ils da Domat giugà pari 2:2.

3. liga regiunala

Ina ferma prestaziun ha l'US Schluein Glion mussà en lur emprim gieu da campiunadi en la 3. liga. L'equipa da la Foppa ha declassà a Crap Gries il FC Triesen gist cun 8:2. Gia da pausa manava l'USSI cun 5:0. La finamira da la l'equipa da Corsin Cavegn è da returnar enavos en 2. liga.

Betg ì sco giavischà èsi a la segunda equipa sursilvan da 3. liga. Il CB Trun/Rabius ha pers a chasa encunter il FC Triesenberg cun 1:2. Il gol decisiv a Triesenberg fatg en la davosa minuta entras in penalti. Sonda proxima, ils 27 d'avust, spetga l'emprim derbi sursilvan en questa ligia - l'US Schluein Glion retschaiva a chasa il CB Trun/Rabius.

audio
Schluein gudogna e Trun perda
ord Actualitad dals 22.08.2022.
laschar ir. Durada: 3 minutas 11 Secundas.

RTR novitads 18:00

Artitgels legids il pli savens

Scrollar a sanestra Scrollar a dretga