Schegea che l’EHC Arosa era sportivamain vegnì relegà en la 2. liga, po Arosa tenor ina decisiun da la Swiss Ice Hockey Federation restar en l’emprima liga.
Arosa aveva schizunt gì fatg la dumonda a la federaziun da giugar en la NLB. Questa pussaivladad vegn uss dentant dada a l’EHC Winterthur. Cun l’agid dal nov gestiunari Adrian Fetscherin vul Arosa megliurar las structuras ed adattar quellas a las pretensiuns per giugar en la NLB.
