Ils victurs
Graziano Paris da Cugnasco en la vischinanza da Locarno ha pudì defender sia victoria en la cursa roiala da la Alpen Challenge 2017. Il ciclist Tessinais ha duvrà per ils var 190 kilometers da Lantsch sur ils pass da l’Alvra, Maloja e Spligia enavos a Lantsch bun 6 uras e 24 minutas ed è uschia stà bunamain 10 minutas pli spert ch’il segund, Roman Dietrich da l'Appenzell. Terz è il giuven da 20 onns Casen South da Matzingen vegnì.
Meglier grischun en in temp da 6 uras e 51 minuta e Marco Pol da Tumegl en la Tumleastga vegnì, e quai sco 9avel, in plaz avant Patrick Gamper da Favugn.
Las victuras
Tar las dunnas gudogna Laila Orenos da Gais. La ciclista da l'Appenzell aveva gia triumfà avant in onn ed avant dus onns è ella vegnida segunda. Quest onn ha ella duvrà 6 uras e 51 minuta per ils bun 190 kilometers ed è uschia stada exact 16 minutas pli sperta che Nina Zoller da Cuira ch’è vegnida segunda.
Victuras e victurs da la cursa curta
La cursa curta dals umens sur 116 kilometers da Lantsch sur ils pass da l’Alvra e Gelgia enavos a Lantsch ha Emanuel Müller da Basilea gudagnà en bun 4 uras e 7 minutas. Tar las dunnas ha Paula Gorycka gudagnà en 4 uras e 27 minutas. La ciclista da Willisau è uschia stada varga in quart ura pli sperta che la segunda.
Cursa 2017 in pau speziala
L'Alpen Challenge 2017 è stada ina in pau speziala, ina che ha pretendì tut dals organisaturs pervia da la mal'aura sco quai che Flurin Bezzola, president dal comité d'organisaziun ha orientà.
RR novitads 15:00