La Lumneziana Chiara Solèr è sin buna via da far carriera en il sport da mountainbike. La giuvna da 14 onns frequenta la scola da talents a Glion, parta per il Club da velo Surselva e marscha da podest a podest.
Legenda:
La mamma Carla accumpogna la figlia Chiara a la partenza.
Andreas Wieland
2 / 12
Legenda:
Anc in curt discurs cun ina da las concurrentas.
Andreas Wieland
3 / 12
Legenda:
Il numer che duai purtar cletg a Soloturn.
Andreas Wieland
4 / 12
Legenda:
Chiara Solèr è pinada per il cumbat sur duas rundas.
Andreas Wieland
5 / 12
Legenda:
Chiara Solèr - focussada sin la cursa.
Andreas Wieland
6 / 12
Legenda:
Chiara Solèr cun il numer 952.
Andreas Wieland
7 / 12
Legenda:
Concentraziun totala a la partenza.
Andreas Wieland
8 / 12
Legenda:
Engaschi total.
Andreas Wieland
9 / 12
Legenda:
La cursa a Soloturn è er stada in cumbat cun la lozza.
Andreas Wieland
10 / 12
Legenda:
Chiara Solèr sco terza al Swiss Bike Cup a Soloturn.
Andreas Wieland
11 / 12
Legenda:
Il podest cun las 5 meglras da las annadas 2005/2006.
Andreas Wieland
12 / 12
Legenda:
Chiara Solèr cuntenta cun ses plaz da podest.
Andreas Wieland
Trais cursas dal Swiss Bike Cup en questa stagiun e trais giadas sin il podest. Er a la cursa en il rom dals Bike Days a Soloturn ha Chiara Solèr mussà ina cursa excellenta en sia categoria da las annadas 2005/2006 ed è vegnida terza. Ella trenescha tschintg giadas ad emna e fa tut per il success, survegn dentant er grond sustegn dals geniturs.
audio
Saira: Chiara Solèr dal club da velo Surselva
05:51 min, ord Sportissimo dals 12.05.2019.
laschar ir. Durada: 5 minutas 51 Secundas.
La famiglia Solèr è in team
Dapi la nova stagiun va la famiglia, pia il bab Beat, la mamma Carla ed ils quatter uffants cun ses auto-rulotta da cursa tar cursa. Uschia vegn era durmì e mangià en l’auto. Al di da cursa è il bab Beat responsabel per il material, per la tecnica. Uschia persequitescha el er la cursa en la zona tecnica. La mamma Carla è responsabla per il da baiver e mira da motivar la feglia nua ch’ella mo sa e po. Ils Solèr’s en in team che funcziunescha bain, quai mussan ils resultats.
