Ils organisaturs dal Tir chantunal èn cuntents cun l'andament da la festa. Sco quai che Hubert Tomaschett il manader dal tir ha sincerà sajan els suenter duas fins d'emna exact en il plan.
La pli gronda surpraisa per el saja stà, cura ch’el haja vis che Heidi Diethelm l'olimpionica dal chantun Turgovia saja s’annunziada per sajettar al Tir chantunal grischun. Ella ha sajettà ier a Mustér cun la pistola sin la schiba da 25 meters. La grondiusa aura haja procurà per blers buns resultats. Uschia hajan plirs tiradurs e tiraduras cuntanschì il maximum en differentas categorias.
La proxima fin d'emna vegn anc ina giada sajettà sin tut ils 14 stans. La dumengia èn lura ils finals al stan da sajettar da Pardiala.
RR novitads 06:00
