Gia dapi blers onns cumenza la runda da primavaira per il club da ballape da Schlarigna cun partidas ordaifer chasa. Pervi da la naiv en Engiadin'Ota èsi da spetgar per il pli fin la fin d'avrigl per pudair cumenzar a dar ballape era a Schlarigna. Per l’equipa da l’Engiadin'Ota n'è quai betg insatge insolit. L’equipà è disada da dar las emprimas partidas da la runda da primavaira dador la val.
Quasi nagina naiv pli sin la plazza Gurlaina a Scuol
Pervi da la blera naiv quest enviern ha l’emprima partida da chasa dal CB Scuol stuì vegnir spustada. Era la plazza da ballape Gurlaina a Scuol era fin avant paucs dis sut ina pulita cuverta da naiv. Las temperaturas miaivlas dals ultims dis han dentant gì l'effect, che la cuverta da naiv sin la plazza da ballape a Scuol è quasi svanida. Era il CB Scuol dat dentant l’emprim gieu da la runda da primavaira ordaifer.
RR actualitad 07:00