Siglir tar il cuntegn

Header

cuntegn

Regiunal 4:1 cunter Bogn Ragaz – victoria impurtanta per Schluein Glion

La situaziun per l’emprima equipa da Schluein Glion è difficila. Er quest onn è il cumbat cunter la relegaziun dir. Grazia al hattrick da Gabriel Derungs èsi reuschì als Sursilvans da silmain betg laschar vegnir pli grond il retard sin il plaz sur il stritg. Schluein ha gudagnà cun 4:1 a Bogn Ragaz.

En in gieu sin livel plitost bass è l’equipa da chasa vegnida dad ir en avantatg cun 1:0 curt avant la pausa. Ils sursilvans ha duvrà in mument da vegnir sin turas. Mo las davosas 20 minutas è la producziun da gols stada fitg activa. Tiziano Vinzens ha fatg il 1:1 en la 70avla minuta.

audio
Sportissimo: Ballape regiunal – relegaziun smanatscha malgrà hattrick Derungs
ord Sportissimo dals 16.04.2017.
laschar ir. Durada: 5 minutas 3 Secundas.

Exploit da Gabriel Derungs: 3 gols en 18 minutas

Lura è vegnì il mument da Gabriel Derungs: El ha sajettà entaifer 18 minutas 3 gols – in schuber hattrick che ha manà la US Schluein Glion ad impurtants 3 puncts.

La situaziun è tuttina critica sco avant.
Autur: Gabriel Derungs attatgader US Schluein Glion

Situaziun resta greva – fin al salvament mancan anc 6 puncts

Cunquai ch’igl FC Ruggell, ch’è gist avant ils Sursilvans sin plaz 10, ha gudagnà resta la situaziun difficila. 6 puncts mancan a la US Schluein Glion sin quai 10avel rang che spendra da la relegaziun.

Sonda proxima è igl FC Ruggell giast a Crap Gries. Quai è la schanza per la USSI da sminuir il retard sin 3 puncts.

RR Sportissimo 12:00

Artitgels legids il pli savens