Siglir tar il cuntegn

Header

cuntegn

20avel Bike-Maraton Jauer Power al Bike-Maraton

Sandro Fliri da Sta. Maria e David Tschenett da Müstair han fatg quasi tut las cursas dal Bike-Maraton. Fliri è adina stà a la partenza, Tschenett ha manchentà la cursa pervia dad ina ferida mo ina giada.

Tar Sandro Fliri ha tut l’istorgia cumenzà cura che el aveva 13 onns. Da quella giada ha la famiglia Fliri da Sta. Maria en Val Müstair decis da participar sco famiglia a la cursa. La premiera aveva famiglia Fliri l’onn 2002 tar l’emprima cursa dal Bike-Maraton. Er l’onn suenter è Sandro Fliri stà anc ina giada ensemen cun sia famiglia a la partenza da la cursa. Suenter alura sco junior e creschi.

Il Bike-Maraton è ina chaussa dal cor

Cun l’emprima cursa al Bike-Maraton dal Parc Naziunal è creschi tar Sandro Fliri la passiun per quest sport. Era sche el e ses fragliuns gievan gia dapi che els eran pitschens cun il velo è cun l’emprima cursa sa dasdà en el la veglia da far questa cursa sco curridur. Dapi alura è Fliri adina stà da la partida tar il Bike-Maraton. Ina giada ha el fat las cursas pli curtas, ina autra giada quellas sur varga 100 kilometers da Fuldera a Scuol, ed il siemi è da pudair far ina giada la cursa roiala, quella sur quasi 150 kilometers, ina giada enturn il territori dal Parc Naziunal.

audio
Sandro Fliri parta per la 20avla giada
ord Actualitad dals 27.08.2021.
laschar ir. Durada: 4 minutas 12 Secundas.

Il Bike-Maraton ha in termin fix en il chalender

Era David Tschenett tutga tar ils bikers da l’emprima ura. Er el ha cumenzà cun quest sport gia dad uffant. Da pitschen si è el adina sta sin il velo. Cun ils onns èn quels daventads adina pli professiunals e spezialisads. Segira ha el passentà l’entir svilup dals bikes dals emprims mountainbikes che eran anc grev sco plum fin tar las maschinas da cursa che ils velos èn ozendi. Era sche il resultat na è suenter ventg onns betg pli uschia impurtant trenescha David Tschenett anc adina trais giadas l’emna.

video
David Tschenett è per la 19avla giada al Bike-Maraton
Or da Telesguard dals 27.08.2021.
laschar ir. Durada: 4 minutas 25 Secundas.

RTR actualitad 12:00

Artitgels legids il pli savens