2‘500 aspectaturs a la festa da lutga a Flem

Ditg èn las prognosas da l’aura stadas malas per la dumengia. La fin finala ha igl dentant dà nagina plievgia e schizunt in pau sulegl. La bun’aura ha carmalà 2’500 persunas a la festa da lutga grischun-glarunaisa a Flem.

Cun quai èn ils organisaturs enturn il president Martin Hug natiralmain stads fitg cuntents. Il punct sin igl «i» è lura anc stà, ch’in Grischun (Armon Orlik) ha gudagnà la lutga. Quai è tenor Martin Hug fitg impurtant, d’avair da quels lutgaders per motivar ils giuvens da lutgar.

Mo era per l’organisaziun da talas festas èsi impurtant, che giuvens vegnan suenter. Perquai ha Martin Hug spezialmain plaschair, ch’ina gronda part dal comité d’organisaziun è stà en ils mauns dals giuvens.

La proxima festa da lutga grischun-glarunaisa vegn ad esser a Flem igl onn 2023. Lura sa il club da lutga da Flem festivar il giubileum da 75 onns.

RR Acutalitad 08:00