Siglir tar il cuntegn

Header

Navigaziun

Adrian Capatt en in'acziun durant in gieu cunter Uster
Legenda: Adrian Capatt (sanester) avant bun 5 onns en in da ses numerus gieus per Alligator Malans. Keystone
cuntegn

Regiunal 18 onns e 4 titels da campiun svizzer

En 25 onns ha il club dad unihockey Alligator Malans pudì festivar blers success. Tranter auter è l’equipa grischuna vegnida quatter giadas campiun svizzer. Ina rolla impurtanta ha Adrian Capatt da Trin giugà.

Tar quatter da quels tschintg titels era Adrian Capatt en l’equipa. El ha giugà durant 18 onns per l’equipa da Malans. El è stà tant per ils Grischuns sco era per l’equipa naziunala da la Svizra in impurtant giugader.

Ed anc oz gioga Adrian Capatt unihockey - quai cun l’equipa da Blau-Gelb Cazas. Ozendi dentant sulet pli per plaschair, schebain ch’ins gudogna anc adina gugent.

Da quests derbis vegn jau anc a raquintar a mes biadis.
Autur: Adrian CapattAnteriur giugader dad Alligator Malans

Spezialmain en regurdientscha restan ad Adrian Capatt ils derbis cunter Cuira. Enfin 1’500 aspectaturs vegnivan lura en la halla da la scola professiunala a Cuira. Mirond enavos saja quai bain stà in pau malsegir. Mo ins studegiava quella giada betg vi da quai. A patertgar enavos vi dals derbis chaschunan quels muments anc oz pel-giaglina, raquinta Adrian Capatt.