Per il club da hockey Partenz-Signuradi ha il playoff mezfinal da l'emprima liga cumenzà mal. A chasa ha il club dal Partenz pers cunter il terz da la qualificaziun Wetzikon cun 2:4.
Suenter l'emprim terz era Partenz-Signuradi gia cun dus gols en retard. En il davos terz èsi anc ina giada gartegià als Grischuns da scursanir al 2:3. Ina minuta avant la fin da la partida ha Wetzikon dentant fatg tut cler, cun marcar in ulteriur gol al 2:4.