Siglir tar il cuntegn

Header

cuntegn

Qatar 2022 Camerun batta Brasilia – Svizra e Brasilia en la proxima runda

Durant las emprimas duas emnas vegnan giugads ils gieus da gruppa. Mintgamai las duas meglras equipas da las 8 differentas gruppas fan il pass en la fasa da K.o. che cumenza cun ils otgavelfinals.

Ils gronds favurits sin il titel da campiun mundial èn la Brasilia e la Frantscha ch'ha triumfà il 2018 en Russia. En il final vevan ils Franzos battì avant quatter onns la Croazia cun 4:2. Pli probabel la davosa schanza da daventar campiun mundial èsi per Lionel Messi cun l'Argentina e per Cristiano Ronaldo cun il Portugal.

Prevista: Svizra uschè ferma sco anc mai

Er sche la Svizra ha pers ad Abu Dhabi la prova generala per questa campiunadi mundial encunter la Ghana cun 0:2, n'è la naziunala svizra probablamain anc mai ida ad in campiunadi mundial cun in squadra uschè ferma, almain sin il palpiri. Ella ha gia battì quest onn la Spagna ed il Portugal. Sin tut las posiziuns ha ella giugaders da qualitad internaziunala, saja quai il goli Yann Sommer da Borussia Mönchengladbach, il defensur Manuel Akanji dal campiun englais Manchester City u il captain Granit Xhaka che tira ils fils en il champ central tar Arsenal, l'actual leader da la Premier League.

RTR actualitad 08:00

Artitgels legids il pli savens

Scrollar a sanestra Scrollar a dretga