Las medaglias:
- Alexander Bolschunow (RUS)
- Denis Spzow (RUS)
- Iivo Niskanen (FIN)
Ils Svizzers:
- 15. Jonas Baumann
- 22. Candide Pralong
- 27. Jason Rüesch
Il passlunghist grischun, Jonas Baumann, vegn 15avel en il skiatlon e fa uschia cleramain ses meglier resultat tar gieus olimpics. Il Grischun da 31 onns perda passa 4 minutas sin il victur, il Russ Alexander Bolschunow. Segund meglier svizzer è vegnì Candide Pralong sco 22avel e Jason Rüesch da Tavau, ha terminà la cursa sin plazza 27. Betg ì a la partenza è Dario Cologna.
Jonas Baumann en l'intervissta cun Andreas Wieland suenter la cursa:
Emprima giada aur per Bolschunow
Il campiun olimpic Bolschunow gudogna la cursa sur 15 kilometers stil classic e 15 kilometers stil liber cun in avantatg dad 1 minuta ed 11 secundas sin ses cumpatriot Denis Spitsow. Bronz va al Finlandais Iivo Niskanen.
Cun 25 onns è questa medaglia l'emprim aur olimpic per Alexander Bolschunow. A Pyeongchang era el vegnì il 2018 trais giadas segund ed ina giada terz.
