Suenter sia victoria sur ils 5'000 meters sonda, ha il sportist en sutga cun rodas er triumfà sur 1'500 meters. En 2 minutas, 49 secundas e 55 tschientavels ha el gist er realisà in nov record mundial. Per Il Lucernais da 35 onns èsi gia la 10avla medaglia a paralimpics en sia carriera, la quarta dad aur.
En la davosa curva ha il sportist sa distanzià da ses concurrents e gudogna cun distanza. Davos Hug èn Prawat Wahoram e Putharet Khongrak, omadus da la Tailanda, sa plazzads.