Siglir tar il cuntegn

Header

cuntegn

Olympia 2022 USA vulan discussiun davart boicot dals gieus olimpics

Ils Stadis Unids vulan discutar ensemen cun lur alliads da boicottar ils gieus olimpics dal 2022 a Peking.

Legenda: Keystone

La raschun èn las violaziuns dals dretgs umans – che vegnan renfatschadas a la China. Il favrer aveva in'allianza da 180 gruppaziuns internaziunalas che s'engaschan per ils dretgs umans, e represchentants da minoritads en la China, dumandà la communitad da stadis, da betg sa participar als gieus olimpics il favrer 2022.

Tut igl auter vegn considerà sco sustegn da la regenza autoritara e da las violaziuns dals burgais e a dretgs umans entras la Partida communista da la China
Autur: Brev averta da las gruppaziuns

Il Comité olimpic internaziunal e ses president tudestg Thomas Bach ha renvià tuttas renfatschas. Il mars ha Bach ditg ch'in boicot saja la faussa resposta sin talas dumondas. Set senaturs republicans han clamà si il favrer da pigliar davent a Peking ils gieus olimpics dal 2022. Els han fatg attent sin la persecuziun dad Uigurs e Tibetans sco er sin las smanatschas da la China envers Taiwan.

RTR novitads 10:00

Artitgels legids il pli savens

Scrollar a sanestra Scrollar a dretga