Siglir tar il cuntegn
Inhalt

Naziunal/Internaziunal Züger trenescha en futur squadra da skis Surselva

Il trenader da skis grischun Fritz Züger ha ina nova incumbensa. El daventa nov trenader dals juniors en l’SST, la squadra da skis Surselva. Quai scriva la pagina skionline.

Fritz Züger.
Legenda: Fritz Züger. Keystone

Fritz Züger era vegnì relaschà il favrer sco trenader dal center da prestaziun ost. I aveva dà diffrenzas gravantas tranter el e ses superiur.

Jau hai fatg in sbagl. Jau sun in fanaticher da giustia e hai cun mes stil surreagì.
Autur: Fritz Züger

Quai ha el detg vers skionline.ch suenter sia relaschada il favrer.

Züger aveva pli baud - tranter auter - era trenà la squdra da slalom gigant enturn Michael von Grüningen, Urs Kälin, Paul Accola e Steve Locher.

Il trenader passiunà daventa da nov trenader dals juniors da la squadra da skis Surselva SST. , il link avra en ina nova fanestra

Jau sun extrem motivà e m'allegrel sin la nova incumbensa.
Autur: Fritz Züger

Durant sia lavur haja el emprenì fitg bler. El possia ir enturn bain cun la differenza da vegliadetgna tranter el e las atletas ed ils atlets. El possia finir là sia carriera, nua che Carlo Janka haja cumenzà dad ir cun skis. E forsa furma Züger a Sursaissa e conturn in «segund Janka». Las giuvnas skiunzas ed ils giuvens skiunzs dastgan sa legrar sin in trenader ch'enconuscha il sport da skis endadens ed ordador.

RR novitads 08:00