Siglir tar il cuntegn

Naziunal/Internaziunal Zeiter per Eldebrink

In di suenter la terrada da 2:4 dals Rapperswil-Jona Lakers en l'emprim gieu da la qualificaziun per la liga naziunala A, ha il club tratg las consequenzas. Anders Eldebrink vegn suspendì ed il nov scheftrenader daventa Michel Zeiter.

Dus umens, trenaders da hockey sin glatsch, guardan encunter sanester e dattan instrucziuns
Legenda: Michel Zeiter (sanester) surpiglia per immediat il post da scheftrenader da Anders Eldebrink (dretg) Keystone

Il Lakers han pers il gieu cunter il campiun da la liga naziunala B, ils SCL Tigers. Cun Michel Zeiter surpiglia il trenader d'assistenza fin qua il comando. Zeiter è vegnì il december 2013 tar ils Lakers. L'anteriur hockeyan da 40 onns surpiglia gia per la segunda giada la responsabladad per in'equipa. Cun l'EHC Visp è el vegnì campiun da la liga naziunala B il 2011.

Anders Eldebrink ha surpiglià il mars 2013 ils Lakers e spendrà il club dal chantun Son Gagl dals gieus da qualificaziun, e quai cunter ils SCL Tigers. Lezs èn lura pli tard vegnids relegads en la NLB.

RR novitads 12:00