Siglir tar il cuntegn
cuntegn

Naziunal/Internaziunal Young Boys: Suenter pli che 3 decennis puspè schanza sin titel

Mo anc la victoria cunter ils da Luzern manca als Young Boys per reconquistar il titel da campiun.

Young Boys.
Legenda: Oz vai suenter 32 onns puspè per tut. Keystone

En il Stade de Suisse vendì or han ils Young Boys la sonda saira suenter 32 onns puspè la schanza da cumbatter per il titel da campiun. I saja bel sch'ins haja la pussaivladad da vegnir campiun en l'agen stadi, ord atgna forza, ha il schef da sport dals Young Boys Christoph Spycher ditg cun plaschair anticipà.

Il team mussa durant il trenament in gust enorm, d'ir a fin la via.
Autur: Christoph SpycherSchef da sport dals Young Boys

Impurtant saja che l'equipa tracta il gieu sco mintga auter gieu, er sch'i na saja nagin gieu ordinari. Mintgin stoppia sa concentrar sin ses pensum e contribuir sia part. Spycher è dentant persvadì ch'ils giugader vegnian a sa tegnair vid il plan dal trenader e sappian ir enturn cun la situaziun. «Nagin sto avair il sentiment ch'el stoppia far insatge spezial u decider il gieu sulet. Nus stuan exact giugar sco enfin uss, lura vegn quai bun.»

RR sportissimo 17:00