Siglir tar il cuntegn

Naziunal/Internaziunal YB frunta sin Borussia Mönchengladbach

Ils Young Boys da Berna sa duelleschan cun Borussia Mönchengladbach (cun ils Svizzers Yann Sommer, Nico Elvedi, Josip Drmic e Djibril Sow) da la Bundesliga per in plaz en la Champions League 2016/2017.

Adi Hütter, trenader YB.
Legenda: Grategi a l’equipa da Adi Hütter la proxima sensaziun? Keystone

Ils emprims gieus èn ils 16 d’avust, la runda da return in’emna pli tard, ils 24 d’avust. YB dat l’emprim gieu a chasa en il Stade de Suisse a Berna.

Avessan ils Bernais da perder èn ils playoffs per la Champions League cunter Gladbach prendess YB part en la fasa da gruppa da l’Europa League. Ils Young Boys n’èn anc mai sa qualifitgads per la Champions League, il pli aut turnier da clubs en l’Europa ch’è vegnì fundà il 1992.

Playoffs per la Champions League

YB
-Borussia Mönchengladbach
Steaua Bukarest-Manchester City
AS Roma -FC Porto
FC Rostow-Ajax Amsterdam
AS Monaco -Villarreal
Ludogorets Rasgrad-FC Viktroia Pilsen
Celtic Glasgow -Hapoel Beer-Sheva
FC Kopenhagen -Apoel Nikosia
FC Dundalk -Legia Warschau
Dinamo Zagreb -FC Salzburg

GC frunta sin Fenerbahce

Per vegnir en la fasa da gruppa da l'Europa League ston ils Grasshoppers batter il club tirc, Fenerbahce Istanbul. Gievgia, ils 18 d'avust sto l'equipa da Pierluigi Tami dar ordaifer l'emprim gieu, in'emna pli tard a chasa il segund gieu.

La stagiun passada ha Fenerbahce terminà il campiunadi sin plazza dus, davos Besiktas. Tar Fenerbahce dat tranter auter l'Ollandais Robin van Persie sco attatgader.

RR novitads 14:00