Siglir tar il cuntegn
Inhalt

Naziunal/Internaziunal Wolfsburg procura per surpraisa cunter Real

En il prim gieu da 4-final da la Champions League ha Wolfsburg procurà per ina gronda surpraisa. Il club da la Bundesliga ha pudì festiva ina victoria da 2:0 cunter l’equipa favurisada Real Madrird.

Il goli svizer Diego Benaglio celebrescha la victoria da ses club VfL Wolfsburg.
Legenda: Il goli svizzer Diego Benaglio celebrescha la victoria da ses club VfL Wolfsburg. Keystone

Contribuì ina gronda part a quest coup ha il giugader da la naziunala svizra Rodriguez. Il defensur ha fatg il prim gol en la 18avla minuta. 7 minutas pli tard ha Arnold lura procurà per il resultat final.

En la segunda partida han Paris St-Germain e Manchester Citiy giugà in pari da 2:2. Fin tar il prim gol en la 38avla minuta han ils fans stuì avair pazienza. De Bruyne ha sajettà il prim gol per ils giasts. Anc avant la pausa ha Ibrahimovic lura pudì egualisar sin il 1:1. Il Svedais n’aveva betg tutgà in penalti en la 14avla minuta.

RR novitads 06:00