Siglir tar il cuntegn
Inhalt

Naziunal/Internaziunal Wladimir Klitschko alias «Dr. Steelhammer» chala

Il boxist ucranais terminescha sia carriera per immediat en la vegliadetgna da 41 onns. Quai ha communitgà ses management.

Wladimir Klitschko cun ses titels sco boxist, l'onn 2014.
Legenda: Wladimir Klitschko cun ses titels sco boxist, l'onn 2014. Keystone

Uschia na datti er betg ina revantscha cunter il campiun mundial Anthony Joshua. Klitschko aveva pers la fin d’avrigl sia davosa lutga da boxar cunter il Brit tras k.o. tecnic.

Klitschko è in dals megliers boxists en la categoria 'pais maximal' en l'istorgia dal sport. 23 giadas en seria ha el defendì cun success il titel da campiun mundial. Dals total 69 cumbats sco profi ha Wladimir Klitschko gudagnà 64, 54 da quels anticipadamain.

Jau n'avess mai pensà che jau possia avair ina uschè lunga carriera ed anc cun tant success.
Autur: Wladimir Klitschkoboxist

Sco amatur ha Klitschko gudagnà la medaglia dad aur als gieus olimpics ad Atlanta il 1996. Dal 2008 fin il 2012 è el schizunt stà il medem mument campiun mundial ensemen cun ses frar pli vegl Vitali Klitschko.

RR novitads 11:00