Roger Federer ha cuntanschì la proxima runda dal turnier da Grand Slam a Wimbledon. Cunter il Brit Marcus Willis ha Federer gudagnà cleramain en 3 sets cun 6:0, 6:3 e 6:4.
Il venderdi frunta Federer sin il victur da la partida tranter l'Ucranais Alexander Dolgopolow ed il Brit Daniel Evans.
Medemamain en la terza runda è il numer 1 dal mund, il Serb Novak Djokovic. Il defensur dal titel ha gudagnà cunter il Franzos Adrian Mannarino medemamain en 3 sets cun 6:4, 6:3 e 7:6.
Ferma prestaziun da Bencic
Er Belinda Bencic ha fatg curtas cun sia adversaria, Tsvetana Pironkova. En mo 76 minutas ha ella battì la Bulgara e quai cleramain cun 6:2 e 6:3.
Il gieu d'emprima runda tranter Timea Bacsinszky e la Tailandaisa Luksika Kumkhum ha dentant stuì vegnir refiers sin damaun pervi da la plievgia.
RR novitads 20:00/21.00
