Siglir tar il cuntegn
Inhalt

Naziunal/Internaziunal Weger è la locomotiva en l’equipa svizra da biatlon

Dapi intgins onns è Benjamin Weger il leader en l’equipa svizra da biatlon. Malgrà ch’el ha cumenzà cun il sport da biatlon pir cun 16 onns è el gia stà in onn pli tard commember dal cader naziunal.

Il biatlet Benjamin Weger.
Legenda: Il biatlet Benjamin Weger. Keystone

Cun plirs plazs da podest en la cuppa mundiala ha Benjamin Weger mussà ils davos onns tge potenzial e classa ch’el ha. Per far il pass sisum il podest en la cuppa mundiala n’hai dentant anc mai tanschì.

Il biatlet vallesan parta cun buna speranza en la nova stagiun. El haja pudì trenar bain durant la stad ed er pudì perfecziunar intginas chaussas, tant en la loipa sco er en il stan da sajettar. La finamira saja da mussar ina stagiun constanta cun resultats en ils top 10, di il biatlet da 26 onns.

La gronda finamira durant la stagiun 2015/2016 è lura il campiunadi mundial da biatlon. L’entschatta mars vegn cumbattì ad Oslo en la Norvegia, al pe dal Holmenkollen, per medaglias.