Siglir tar il cuntegn
Inhalt

Naziunal/Internaziunal Wawrinka reussescha ad emprova generala per French Open

Stan Wawrinka cuntanscha il final dal turnier d’ATP-250 a Genevra. Il giugader da tennis da Losanna ha battì il Tschec Lukas Rosol (ATP 68) cun 6:2, 4:6 e 6:3.

Stan Wawrinka.
Legenda: Cumbatta quest onn per il terz titel Stan Wawrinka. Keystone

Stan Wawrinka (ATP 4) cuntanscha per la terza giada en questa stagiun in final – e cumbatta a Genevra per il terz triumf. A l’entschatta da l’onn aveva el gia gudagnà ils turniers a Chennai e Dubai.

Il Svizzer ha battì il Tschec Lukas Rosol en trais sets cun: 6 a 2, 4 a 6 e 6 a 3. En il final da damaun frunta Wawrinka sin il Croat Marin Cilic (ATP 11).

Er en l'emprima runda dal turnier dal French Open frunta Wawrinka sin Lukas Rosol.

RR novitads 18:00