Siglir tar il cuntegn
cuntegn

Naziunal/Internaziunal Wawrinka gudogna emprima partida als finals a Londra

Stann Wawrinka ha pudì festivar sia prima victoria als finals d'ATP a Londra. Quai suenter ch’il Romand era anc cun dus breaks enavos en l’emprim set. La fin finala ha el tuttina pudì batter il Spagnol, David Ferrer cun 7:5 e 6:2.

Stan Wawrinka gudogna tuttina anc la partida malgrà ch’i veseva ora tut auter che bun l’entschatta.
Legenda: Stan Wawrinka gudogna tuttina anc la partida malgrà ch’i veseva ora tut auter che bun l’entschatta. Keystone

L’emprim set pareva gia d’esser pers per Stan Wawrinka. 2:5 era il Svizzer enavos cunter il Spagnol, David Ferrer. Lura ha Wawrinka dentant pudì augmentar sia prestaziun ed ha gudagnà 7 games en seria. Uschia n'ha il Romand betg mo gudagnà l’emprim set cun 7:5, mabain el ha era gist l’entschatta dal segund set pudì far in break cunter Ferrer al 2:0.

Gieu decisiv cunter Murray

Per sa qualifitgar per il mezfinal gioga Wawrinka uschia il venderdi en il duel direct cunter il Scot Andy Murry. Gia sa qualifitgà per il mezfinal è Roger Federer che dat questa saira l'ultim gieu da gruppa cunter il Giapunais, Kei Nishikori.

RR novitads 06:00