Igl è stà in dir cumbat. Quatter uras e mesa han ils dus umens cumbattì. Pir en il tschintgavel set ha Stan Wawrinka lura pudì batter il Scot, Andy Murray. Cun quai stat Wawrinka la segunda giada dapi il 2015 en il final dal French Open.
En il tschintgavel set è Wawrinka gia baud vegnì en avantatg cun 3:0. Suenter n'è el betg pli stà da franar. Il Svizzer avess dentant gia pli baud pudì decider il gieu per el. En l'emprim set manava el cun in break da 5:3 ed era en il terz set ha el manà cun in break da 4:2. Plinavant n'ha el betg pudì nizzegiar in Tiebreak per el.
Nadal cun persvasiun
Nagina deblezza ha mussa il grond favurit a Paris, Rafael Nadal. Il Spagnol ha gudagnà cleramain cunter l'Austriac Dominic Thiem en trais sets cun 6:3, 6:4 e 6:0 ed ha uschia la schanza da gudagnar per la dieschavla giada il French Open.
RR novitads 18:00/21:00