Wawrinka en il mezfinal dal US Open

Stan Wawrinka ha cuntanschì il mezfinal al grand slam da tennis, il US Open a New York. Wawrinka ha battì en il quartfinal l’Argentin Juan Martin Del Potro en quatter sets cun 7:6, 4:6, 6:3 e 6:2.

Stan Wawrinka

Legenda da maletgs: Stan Wawrinka fa vinavant buna figura en la metropola americana da New York. Keystone

Per Stan Wawrinka èsi il terz mezfinal a Flushing Meadows ils davos quatter onns. Gia il 2013 e l’onn passà vev’il Romand cuntanschì la runda cun ils megliers quatter.

En il mezfinal frunta Stan Wawrinka sin Kei Nishikori. Il Giapunais e numer 7 dal mund ha battì surprendentamain il campiun olimpic da Rio e victur da Wimbledon, Andy Murray. Nishikori ha battì il Scot en tschintg sets cun 1:6, 6:4, 4:6, 6:1 e 7:5.

En l’auter mezfinal vegni tar il duel tranter il numer 1 dal mund, il Serb Novak Djokovic ed il Franzos Gaël Monfils.

RR novitads 8:00