Naziunal/Internaziunal - Wawrinka danovamain en il mezfinal a Paris
Stan Wawrinka è per la terza giada en roda en il mezfinal dal French Open. El gudogna cun 6:3, 6:3 e 6:1 cunter il Croat Marin Cilic. Wawrinka n'ha anc pers betg in set en il turnier da quest onn. En il mezfinal a Paris frunta Wawrinka sin Andy Murray. Il medem duel sco avant in onn.
Andy Murray ha battì il giapunais Kei Nishikori en quatter sets cun 2:6, 6:1, 7:6 e 6:1. Il mezfinal tranter Murray e Wawrinka è venderdi. En l'auter mezfinal dals umens datti il duel tranter Rafael Nadal e l'Austriac Dominik Thiem. Lez ha battì il defensur dal titel Novak Djokovic en trais sets.