Siglir tar il cuntegn
Inhalt

Naziunal/Internaziunal Voss-Tecklenburg prolunghescha contract fin il 2018

La Tudestga da 48 onns resta la trenadra da la squadra naziunala da ballape da las dunnas per ils proxims 2 onns.

Martina Voss-Tecklenburg durant ina conferenza da medias.
Legenda: Martina Voss-Tecklenburg è vinavant la trenadra da l'equipa naziunala da ballape da las dunnas. Keystone

Martina Voss-Tecklenburg resta fin il 2018 la trenadra da la squadra naziunala da ballape da las dunnas. Ella ha prolungà il contract paucs dis avant il turnier da qualificaziun per ils gieus olimpics a Rio de Janeiro.

Voss-Tecklenburg è dapi il 2012 trenadra da la Svizra. Cun la Svizra è ella l'onn 2015 sa qualifitgada per l'emprima giada per in campiunadi mundial - per quel en il Canada. La squadra naziunala da las dunnas saja anc adina en in process da svilup ch'ella veglia influenzar a moda positiva - era ils proxims 2 onns, ha ditg Martina Voss-Tecklenburg.

RR novitads 14:00