Siglir tar il cuntegn

Header

cuntegn

Naziunal/Internaziunal Vonn e Goggia puspè sin plazza 1 e 2

Er oz ha Lindsey Vonn dominà la cursa rapida da las dunnas a Garmisch.

Il podest

  • 1. Lindsey Vonn (USA) 1:37,92
  • 2. Sofia Goggia (I) + 0,11 secundas
  • 3. Tina Weirather (FL) + 0,12 secundas

Suenter la rapida da sprint gudogna Lindsey Vonn era la secunda cursa rapida a Garmisch-Partenkirchen. E puspè èsi vegnì stretg sin la pista Kandahar. Suenter ils dus tschientavels ier gudogna Lindsey Vonn oz cun in avantatg dad 11 tschientavels sin Sofia Goggia da l'Italia. Terza è Tina Weirather dal Principadi dal Liechtenstein cun in retard da 12 tschientavels sin l'Americana.

Gisin è stada la meglra Svizra

Ina buna cursa ha Michelle Gisin mussà. La skiunza da la Sursilvania vegn 5avla cun in retard da 57 tschientavels sin la victura. Las ulteriuras Svizras manchentan las top 10. Corinne Suter vegn 11avla, Jasmine Flury 13avla e Lara Gut sto sa cuntentar cun plaz 20. Per las skiunzas da la cuppa mundiala è la cursa rapida a Garmisch stada l’ultima avant ils gieus olimpics a Pyongchang.

  • 5. Michelle Gisin + 0,57 secundas
  • 11. Corinne Suter + 1,17 secundas
  • 13. Jasmine Flury + 1,43 secundas
  • 20. Lara Gut + 1,76 secundas
  • 22. Priska Nufer + 1,81 secundas
  • 38. Joana Hählen + 4, 92 secundas

RR novitads 14:00

Artitgels legids il pli savens