Siglir tar il cuntegn
Inhalt

Naziunal/Internaziunal Von Siebenthal brigliescha a Tavau

La Bernaisa Nathalie von Siebenthal è daventada 5avla a la cursa da 10 km skating dal Tavau Nordic. Per ella è quai il meglier resultat da sia carriera.

Nathalie von Siebenthal.
Legenda: Nathalie von Siebenthal. Keystone

Sur ils 10 kilometers dal Tavau Nordic vegn Nathalie von Siebenthal 5avla e realisescha ses meglier resultat en la cuppa mundiala. La Bernaisa ha fatg ina partenza fulminanta ed era in temp perfin a la testa. Quest tempo ha dentant custà forza ch'ha lura mancà a la passlunghista svizra en la fasa finala. Tuttina vegn Nathalie von Siebenthal 5avla (+16,4) e po festivar a Tavau ses meglier resultat en la cuppa mundiala. La victura vegn da la Norvegia ed ha num Ingvild Flugstad Østberg. Ella triumfescha avant sia cunpatriota Ragnhhild Haga e Krista Parmakoski da la Finlanda.

Las ulteriuras Svizras a la partenza dals 10 kilometers stil liber han manchentà in plaz en las top 20. Nadine Fähndrich è 26avla e manchenta be per pauc la qualificaziun per ils gieus olimpics.

RR Sportissimo 12:00