Siglir tar il cuntegn

Naziunal/Internaziunal Vincent Kirchmayr gudogna er il super-G

Suenter sia victoria da mesemna en la cursa rapida, gudogna l'Austriac er il super-G. Meglier Svizzer è Mauro Caviezel sin plaz 7.

Vincent Kriechmayr.
Legenda: Vincent Kriechmayr. Keystone

Il podest

  • 1. Vincent Kriechmayr (A) 49,43 Sekunden
  • 2. Christof Innerhofer (I) +0,04
  • 3. Thomas Dressen (D) +0,08
  • 3. Aksel Svindal (N) +0,08

Al final da la cuppa mundiala da skis ad Åre ha Vincent Kriechmayr er gudagnà l'ultim super-G da la stagiun. Suenter sia victoria dad ier en la cursa rapida è l'Austriac er oz stà il pli spert. Segund è il Talian Christof Innerhofer e sin plazza trais Aksel Lund Svindal ensemen cun Thomas Dressen. Meglier Svizzer è Mauro Caviezel sco 7avel. La culla da cristal pitschna dal Super-G va al Norvegiais Kjetil Jansrud, quai era gia cler avant l'ultima cursa.

Ils Svizzers

  • 7. Mauro Caviezel +0,23
  • 11. Marco Odermatt +0,44
  • 17. Beat Feuz +0,57
  • 22. Gilles Roulin +0,80
  • 23. Thomas Tumler +1,11

Il venderdi ha lieu ad Åre la concurrenza da team. E la sonda stà il slalom gigant sin il program. L'ultima cursa da la cuppa mundiala da quest enviern ha lura lieu la dumengia cun il slalom.

RR novitads 14:00