Siglir tar il cuntegn

Header

cuntegn

Naziunal/Internaziunal Vilotic vegn degradà

Il giugader da GC, Milan Vilotic, vegn degradà aifer il club. Fin la fin da la stagiun dat Vilotic per l'equipa sut 21 en l'emprima liga. La raschun èn problems cun il scheftrenader.

Las differenzas tranter il giugader da GC Milan Vilotic ed il scheftrenader Murat Yankin han consequenzas per il ballapeist: Enfin la fin da la stagiun na po el betg pli giugar cun sia equipa. El vegn a giugar per l'U21 da l'emprima liga. Uschia la decisiun dal schef da sport Mathias Walther.

En in chat da gruppa aveva il defensur serb avant curt crititgà fermamain Yankin. Ed aveva renfatschà tranter auter ad el «mancanza da professiunalitad», sco che la gasetta «Blick» ha fatg public la gievgia. La degradaziun è la replica. Cun ses agir haja Vilotic sa disqualifitgà sez, crititgescha Yankin.

Da curt anc capitani

Il giugader da 31 onns ha giugà questa stagiun 26 partidas ed era fin avant curt anc il capitani da l'equipa. Ils 17 da mars ha el giugà l'ultima giada cun GC cunter Son Gagl.

RR novitads 16:00

Artitgels legids il pli savens