Siglir tar il cuntegn

Header

cuntegn

Naziunal/Internaziunal Viktoria Rebensburg è la meglra

Cun quai che la cursa è vegnida detg giu pervi da l'aura n'ha la tudestga Viktoria Rebensburg betg pli stuì far in'ulteriura cursa per survegnir la culla pitschna.

Blera naiv e vent han fatg ina impedì l'ultim slalom gigant da la stagiun da cursa ad Are en Svezia. Cun quai che la cursa na vegn betg prendida suenter gudogna la Tudestga Viktoria Rebensburg la culla da cristal pitschna da questa disciplina. Ella vess però fitg probabel er gudagnà la culla sch'i vess dà la cursa.

La segunda en la disciplina, la Franzosa Tessa Worley ha numnadamain in retard da 92 puncts ed avess stuì gudagnar.

Rebensburg, la victura olimpica dal 2010, survegn la culla pitschna da disciplina uschia gia per la terza giada suenter las stagiuns 2011 e 2012. La stagiun passada aveva Tessa Worley gudagnà ella.

Per las Svizras è il slalom gigant stà quest enviern l'unica disciplina senza ina rangaziun sin il podest.

RR novitads 10:00

Artitgels legids il pli savens