Siglir tar il cuntegn

Naziunal/Internaziunal Victoria suverana a Singapur

Sebastian Vettel gudogna per la squadra da Ferrari il Grond Premi da notg a Singapur. Vettel triumfescha avant Daniel Ricciardo cun Red Bull. Terz vegn Kimi Räikkönen, il secund pilot da Ferrari.

Sebastian Vettel en ses Ferrari.
Legenda: Gia ils onns 2011, 2012 e 2013 aveva il Tudestg gudagnà il GP da Singapur. Keystone

Per Sebastian Vettel èsi la quarta victoria a Singapur e la 42avla victoria da GP. Uschia ha Vettel surpassà la legenda Ayrton Senna en la glista perpetna dals megliers.

Hamilton anc adina a la testa

Il manader dal campiunadi, Lewis Hamilton, ha stuì dar si suenter la mesadad da la cursa pervi d'in defect. Dentant ha el anc adina il pli blers puncts, numnadamain 252. Per il team da Sauber gudogna Felipe Nasr in punct sco 10avel. Marcus Ericsson vegn 11avel.

RR novitads 17:00