Siglir tar il cuntegn
Inhalt

Naziunal/Internaziunal Victoria per Patrizia Kummer

Trais plazzas da podest han ils snowboardists svizzers cuntanschì en la cuppa mundiala. E Patrizia Kummer ha gudagnà il slalom gigant parallel a Bansko en la Bulgaria, Ladina Jenny è vegnida terza.

La snowboardista Patrizia Kummer
Legenda: Patrizia Kummer durant ina cursa a Moscau la fin schaner. Keystone

Patrizia Kummer ha distanzià l’Austriaca Julia Dujmovits per mo ina tschientavla secunda. Per Kummer è quai la 14avla victoria en la cuppa mundiala, l'emprima en il slalom gigant dapi trais onns.

Galmarini persvada puspè

Tar ils umens è Nevin Galmarini vegnì segund. Avant in'emna aveva il Grischun festivà sia emprima victoria en la cuppa mundiala a Rogla. Gudagnà a Bansko ha Radoslav Jankov, il victur da la cuppa mundiala da l'onn passà. Dals Svizzers è Dario Caviezel crudà ora en l’otgavel final, e Kaspar Flütsch ina runda pli tard cunter Galmarini.

RR novitads 15:00