Siglir tar il cuntegn

Naziunal/Internaziunal Victoria per Nilsson e Pellegrino al Tavau Nordic

A Tavau hai dà ina victura svedaisa ed in victur talian als sprints en stil liber dal Nordic.

Resultats dunnas

La Svedaisa Stina Nilsson ha gudagnà avant las Norvegiaisas Maiken Falla ed Ingvild Oestberg. 3 dunnas svizras avevan cuntanschì il quartfinal. Laurien van der Graaff è daventada 13avla, Nadine Fähndrich 22avla e Heidi Widmer 30avla.

Resultats umens

Tar il umens hai dà il medem victur sco gia l’onn passà: Il Talian Federico Pellegrino ha gudagnà avant il Franzos Baptiste Gros ed il Norvegiais Sondre Turvoll Fossli. Il meglier resultat svizzer ha fatg Roman Schaad sco 11avel. Gianluca Cologna è arrivà sin plaz 13 e Jovian Hediger sin plaz 20.

RR novitads 14:00