Siglir tar il cuntegn
cuntegn

Naziunal/Internaziunal Victoria per Büchel e per la staffetta da las dunnas

Da l'Athletissima a Losanna ha la Svizra Selina Büchel gudagnà ier saira la cursa sur 800 meters.

Las atletas Selina Büchel e Molly Ludlow
Legenda: En il spurt final n'ha Selina Büchel laschà nagina schanza a l'Americana Molly Ludlow. Keystone

Cun in temp da 2:01,68 n’è ella betg propi stada cuntenza. Büchel vuleva curer per la segunda giada en sia vita sut 2 minutas. Las relaziuns a Losanna èn dentant stadas grevas pervi dal cuntravent.

Ina victoria hai era dà per la staffetta da 4X100 meters da las dunnas. Kambundji/Sprunger/Lavanchy ed Humair han gudagnà avant la Pologna e la Svezia.

Justin Gatlin ha decidì la cursa sur 100 meters dals umens cleramain. L'American ha gudagnà cun in temp da 9,75 avant il Jamaikan Asafa Powell e l'auter American, Tayson Gay.

RR novitads 06.00